أخبار منوعة

معلومات عن مطار اسطنبول الجديد الثالث تركيا

– الوصول الى المطار سهل وبعيد عن الزحام
– تدفع 5 ليره تأمين لعربة حمل الامتعه في جهاز يطبع لك ايصال ويفتح مجرى خروج العربه ، وبعد البوردينج تاخد العربه وترجعها لجهاز مماثل خلف كاونترات Q تضع العربه في مكانها و تضع الايصال في مكان مخصص له لقراءة الباركود المطبوع عليه وبعدها ترجع لك ال 5 ليره , فكره جيده لتنظيم عربات حمل الامتعه بس ناس كتير لا تعرف اللغتين الانجليزيه أو التركيه والنتيجه تكدس العربات أمام البوردينج كالعاده.

مطار اسطنبول الجديد

– موضوع العربات ده فكرني بفيلم the terminal ، متهيألي بعد شويه حتلاقي واحد عربي فصيح واقف قدام موقف عربات حمل الامتعه كأنه بيساعد الناس وياخد الايصالات وبعدين يروح يصرفهم ..
– الدخول الى المطار مثل باقي مطارات تركيا .. يعني تتفتش انت وتشيل الشنط وتحطها على سير تفتيش الاشعه بعد بوابة الدخول الأولى.
– توجد شاشات الرحلات لمعرفة كاونتر شركة الطيران .. كنت على الخطوط السعوديه في P ولاحظت ان رحلات الدول العربيه قبلي وبعدي يعني O,P,Q
– لو معاك فواتير شراء عايز ترجعها لاسترداد الضريبه المضافه من مكتب الجمارك .. أعمل حسابك في ساعه على الاقل ..الجمارك موجوده في الصف P ,وأمام نقطة التفتيش الثانيه بعد المرور من الجوازات .
– بعد البوردينج تروح على الجوازات في وسط المطار مدخل واحد طابور طويل لكن منافذ ظباط الجوازات كثيره, رغم الزحام أستغرق طابور الجوازات حوالي 10 دقائق.
– بعد الجوازات تلاقي نقطة التفتيش الثانيه مثل المطار القديم بالظبط.
– الترانزيت به أماكن للراحه كثير وضخم جدا …وهنا المشكله ..
– يستلزم وصولك الى بوابة المغادره مشوار كبير جدا وانت وحظك .. رحلتي على الخطوط السعوديه كانت في B13 وده معناه انك تمشي من B1 الى B13 مشوار بتاع 20 دقيقه على الاقل لو خفيف وسريع , لو معاك شنط هاندباج ووزن زياده شويه .. بهدله وحاتاخد وقت أكتر من كده .. من الآخر المشوار من الجوازات لبوابة السفر مشوار يهد الحيل بجد.
– كان مرسوم على الأرض خطوط مكتوب عليها خط سير السياره الكهربائيه (Buggy) بس سألت عنها الاستعلامات طلع لازم امشي مشوار علشان اروح لها !
– أعمل حسابك تروخ المطار شبعان ..لسه مافيش مطاعم كافيه و برجر كنج يقدم ساندويتش لايغني ولايسمن من جوع ب35 ليره .

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

برجاء تعطيل برنامج مانع الاعلانات

برجاء دعمنا عن طريق تعطيل إضافة Adblock